Estasaunhirak ne’e hodi atende ba eleisaun Prezidensial ronda dahuluk ne’ebé sei realiza iha 20 Marsu tinan ne’e.

Diretór STAE, Acelino Barros informa sentru votasaun hirak ne’e seidauk inklui estasaun votus iha rai li’ur.

“Ita iha estasaun votus 941, ne’e iha de’it Timor laran no iha rai li’ur semana oin ita foin halo levantamentu ruma par define fatin votasaun. Se iha li’ur mak iha ona, entaun sei aumenta tan númemru ne’ebé mak ha’u temi ona ne’e,” dehan Acelino ba jornalista sira iha nia knar fatin Kaikoli, Segunda (6/02).

Ba sentru votasaun iha area rural, nia dehan, STAE perpara ona atu aluga kuda hodi tula bulletin votus no iha planu atu aumenta estasaun votus ba ba iha area rural sira ne’e nune’e labele iha failansu hanesan iha eleisaun uluk.

“Meius sira ne’e ita identifika ona hein de’it ita-nia planu atu implementa,” dehan nia.