Polítika PLP hakarak kria governasaun integradu hodi bele tau hamutuk ema hotu iha prosesu funsionamentu públiku sira sei la hare ba iha koor partidu polítiku.
Promesa ne’e hato’o husi Prezidente PLP,Taur Matan Ruak liu husi komísiu polítika kampaña aberta iha postu administrasaun Maliana-Munisípiu Bobonaru, Sesta (07/07).
Taur dehan, PLP iha hanoin ne’ebé planeadu ona hakarak kria governasaun ne’ebé intagradu bazeia ba kooperasaun, partisipasaun no lideransa kolaborasaun la’ós de’it ba departamentu governamentál sira.
“Governasaun integradu no kolaborasaun la hare ba iha kór partidu, inkilina ema hotu atu lori dezenvolvimentu ba povu nian moris di’ak”, dehan lider PLP ne’e.
Kaer ukun,Eis Prezidente Repúblika ne’e dehan, kombate burokrasia iha instituisaun Estadu Estadu, privadu no voluntáriu sira hodi fó resposta ba forma ida ne’ebé efikásia no efisiente ba problema sosiál ne’ebé povu hasoru loron-loron.
Nia informa, hasees interese privadu liu husi governasaun integradu bele servisu hamutuk hodi lori vantajen ne’ebé di’ak ba iha povu nian moris.
Aleinde ne’e, Taur Promete mós bainhira kaer ukun sei asegura nia governasaun ne’ebé moos no livre husi korrupsaun.
Iha fatin hanesan, portavós Partidu Libertasaun Populár (PLP), Fidelis Magalhaes hateten Taur Matan Ruak nu’udar lider ne’ebé durante ne’e hakbesik aan liu ba
“Ha’u fiar katak partidu PLP kuandu kaer governu konserteza implementa buat hirak ne’ebé define ona iha programa no planu PLP nian”, dehan Fidelis.
Fidelis: “Ha’u Triste PLP Lakon Iha Bobonaru”
Portavós Partidu Libertasaun Populár (PLP) Fidelis Magalhães hateten, sente triste kuandu iha loron 22 fulan ne’e PLP lakon iha Munisípiu Bobonaru.
Tanba, nia dehan, hanesan Bobonaru oan ne’ebé tama iha lista PLP nu’udar segundu pesoál ho nia promesa hakarak liberta povu husi ki’ak no mukit.
“Bobonaro-oan tenke sai fatin ne’ebé loke Polítika foun tanba ne’e ha’u prontu lakon iha fatin seluk, maibé ha’u la prontu lakon iha Bobonaru”, dehan nia.
Nia afirma, Bobonaru-oan matenek barak, maibé la konsege estuda ida ne’e tanba estadu ho Governu laiha programa ida ne’ebé di’ak hodi kontribui ba rai ida ne’e.
“Ha’u promesa ba imi karik PLP ukun ha’u rasik ho ha’u nia ekipa buka mate ruin iha Bobonaru laran ne’ebé mate ba liberta ukun rasik aan ida ne’e hodi haloot halo didi'ak”, nia promete.
Eis Xefe Kasa Sivíl Prezidente Repúblika ne’e dehan, nu’udar Bobonaru oan mai ho PLP atu halibur la preokupa partidu A ka B tanba ne’e PLP nia preokupasaun maka hakarak halibur joven nasionalista hotu tau matenek hamutuk hodi liberta rai ida ne’e.
