Prezidente PDRT, Agostinho Gomes hateten, PDRT nian liuliu ba pro-povu ne’e objetivu maka solusiona povu nia moris di’ak.

“Kandidatura PDRT nian ba elisaun prezidensiál iha periodu 2022-2027 mak kandidatu Anacleto Bento Ferreira,” dehan nia, iha salaun CNE, Domingu (30/1).

Nia dehan, PDRT sei tau ba oin mak dezempregu sai númeru primeiru,  natularmete povu nia moris di’ak ein-jeral, tanba iha partidu ne’e tau nia preokupasaun ba liu iha dezempregu. Haree taxa dezempregu aas tebes iha Timor-Leste.

Nia hateten, Partidu iha kovisaun tomak tanba iha estrututa  solidu tebes. Tanba ho nia apoiante sira agora husi munisipiu 4 mak formadu ona estrutura hanesan Covalima iha 7.000, Ainaro 5.000, Ermera 9.000 no iha Bobonaru 8.000.

Nia hatete, agora sei halo rekollamentu kartaun eleitoral no sei iha faze legalizasaun, no tempu badak lori ba rejistu ona iha Tribunal Rekursu.

Tanba kartuan agora hetan ona liu 6.000, kriteriu husi TR katak apoiantes 5.000, entaun agora ultrapasa ona no bele ba rejistu.

Nia relata, objetivu eleitu ba Prezidente repúblika hakarak hatuur fila-fali Konstituisaun RDTL iha nia fatin, tanba ne’e la’ós segredu povu tomak, maibe povu hatene no povu rasik maka ko’alia.

Nia fundamenta, militante sira husi partidu seluk ne’ebé afilia mai iha PDRT, sei labele hato’o tanba kestaun étika. Partidu ne’e nia forsa prinsipál mak Colimau 2000, maibé ne’e partidu nasionalista no partidu abertu ba ema hotu, tan ne’e iha klase sosial hotu hanesan iha entidade no organizasaun oioin ne’e mak iha PDRT.

Tanba, iha estatutu PDRT hatete ona, la’os halo misaun Colimau 2000 nian, misaun nian estatutu maibé labele nega PDRT mai husi Colimau 2000.

Nia akresenta, kandidatu husi PDRT nian ba iha elisaun prezisensial iha periodu 2022-2027, naturalmente ba hakarak manan. Fiar katak politika agora ne’e laiha kandidatu manan iha primeiru ronda, mezmu PDRT nian ba mós ba iha segundu ronda.

Iha fatin hanesan, kandidatura PDRT, Anacleto Bento Ferreira hateten, konfiansa tomak husi militante hotu-hotu liuliu estrutura foun husi aldeia no suku, munisipu to’o nasional.

“Ita hotu-hotu ne’ebe hakarak ona servisu atu serve ba PDRT, tanba vitoria PDRT nian la’os deit iha estrutura nasional no la’os deit ba kandidatu prezisente, maibé ba militante hotu-hotu iha partidu PDRT,” nia hateten.

Anacleto hatutan, maski ativu ka la ativu iha estrutura, maibé nia komunga prinsipiu no komunga ona karta PDRT nian iha obrigasaun servisu ba PDRT.