“Ermera potensiál ba setór agrikultura tanba ne’e ita presiza reabilita plantasaun kafé hodi hasa’e produsaun iha futuru” Dehan Assanami iha Kampu futeból munisipál Gleno horisehik.

Nia hatutan, kafé Ermera iha ona istória ne’ebé mundu asesu hotu ona bain hira kafé iha ASEAN, Europa no Amérika mate hotu hela de’it kafé hun ida mak moris iha Ermera ne’ebé bele kari hikas ba nasaun hotu ohin loron kafé buras fali iha nasaun seluk.

Tanba ne’e presiza tebes atu reabilita nafatin plantasaun kafé hodi hasa’e produsaun atu nune’e bele importa ba rai liur hodi hatudu identidade produsaun kafé Timor iha rai li'ur.

Alende ne’e Assanami hatutan, Kafé iha Ermera iha kualidade tebes ne’ebé ho orgánika la kontamina ho kímika ruma tanba ne’e nia folin boot iha merkadu internasionál.

Maibé realidade iha Ermera folin kafé tun tanba ne’e PD manan iha EA kompromete sei hasa’e folin kafé.