“Ha'u sei buka oinsá atu tau veteranu sira, iha ninia fatin duni, hodi bele dignifika no valoriza sira nafatin,” dehan nia, iha komisiu Darisula, Baukau, Sabadu (12/3).
Prezidente Repúblika hakarak tau veteranu sira nafatin ho respeitu, maibé veteranu balun mak la kompriende no balum haluha tiha sira-nia aan mai husi ne’ebé, agora ba to’o iha ne’ebé, no hakarak atu ba to'o iha ne’ebé, dala-ruma la'o sala dalan.
Nia hatete, ne’ebe Lú Olo sei neon na'in nafatin ba veteranu sira hotu, atu la'o tuir dalan ne’ebé la'o tuir, to’o iha ne’ebé, hotu-hotu sei to’o iha ne’eba. Maibé agora ne’e veteranu sira iha uituan de’it ona, povu barak liu ne’ebé povu nia intrese bo’ot liu intrese veteranu sita nian.
Tan ne’e, kandidatu Lú Olo mak re-eleitu tan dala ida, sei hare povu tomak, atu ferik ka katuas, labarik no feto sira, politika Prezidente Repúblika nian sei la'o hamutuk ho governu, hodi hadia povu nia moris, liu husi ekonómia sustentavel, atu povu rasik moris ho ekonómi hadia sira moris.
Entertantu, kandidatu fiar Governu ne’e sei la'o ba oin nafatin, haree povu sira nia moris, hanesan halo uma ba kbiit laek sira, osan sira ne’e dereita ba povu sira iha baze suku no aldeia mak kaer hodi halo, la'os buat kiik hotu ba iha kompaña mak halo, ne’ebé osan sira ne’e dereita duni ba povu sira iha kraik.
Brani Kontra Lia Bosok
Entretantu, kampaña iha Munisipiu Vikeke, Francisco Guterres Lú Olo husu ba povu Vikeke atu kontra lia bosok ne’ebé ema balun lansa iha públiku.
“Lia bosok ne’e labele manan no la hamate lia lo'os, ne’ebé lia lo'o ne’e bele padese, bele sofre, maibé nunka mate, loron ida ba loron ida nia sei hamrik fila fali,” dehan nia, iha Kampu Futeboll Litou, Vikeke, Sesta, (11/3).
Nia dehan, kontra lia bosok ne’e tanba durante ne’e ema balun ataka kandidatu Lú Olo nu'udar Prezidente Repúblika la fo posse ba ema na'in 9, atu fó pose ka la fó posse ne’e, Prezidente Repúblika ninia kompotensia rasik.
“Ne’ebe Primeiru Ministru mak propoin naran ba Prezidente Repúblika, atu nomea atu sai membru governu,” hatete nia.
Ne’eduni, nia dehan bainhira Primeru Ministru aprejenta naran, tuir proposta Primeiru Ministru nian, tuir konstituisaun hakerek hato’o ba Prezidente Repúblika atu bele aseita ba, bele iha balun mós la aseita.
Tan ne’e, nia hanesan Prezidente Repúblika informa ba sira atu hare tetu fali lista naran ida ne’e, atu sira tetu fila- fali naran balun, haruka ba Primeiru Ministru atu haruka mai Prezidente Repúblika.
“Sira hahú haklalak dehan Prezidente Repúblika viola no furador iha públiku, Prezidente Repúblika hatene interpreta lei no konstituisaun ne’ebé sira hateten viola lei no konstituisaun ne’e iha lei artigu hira, sira lori lia bosok mak ko'alia iha públiku, tan ne’e sira bosok nanis ona mak lori ukun,” informa Lú Olo.
Ema balun hatete Covid-19 ne'e inventadu atu lori halo polítika lae ne'e bosok, Covid-19 ne'e tebes duni iha mundu tomak ne'e Covid-19 kona ema mate dada de'it.
Timor Leste ne'e mate de'it atus ida tolu nolu too ohin loron tanba governu ho estadu hola atensaun ba nia povu rasik.
