Lamukan konsidera,  Timor-Leste restaura independensia kompleta ona tinan 20, kontinua marka pasu, tanba iha problema oi-oin hanesan krize militar  ho impase politika ne’ebé akontese iha tinan barak nia laran, maibé iha 19 marsu mak eleitu duni ba PR sei hadia no salva naran di’ak Timor-Leste ho povu iha mundu.

“Povu fó fiar hau hanesan Presidente Repúblika imajen estadu no povu ha’u sei salva no hadia uluk uma laran ita nia imajen iha rai liur mos sei di’ak,” dehan Lamukan iha ambitu debate públiku ba eleisaun presidensial, iha kanál GMN-TV, tersa (15/3), iha otel Novu Turismu.

Tuir nia, eleisaun presidensial laos futu manu, maibé hili ema ne'ebé ho ibun badaen iha kapasidade halo komunikasaun ba iha parte hotu hodi ukun nasaun no povu.

Nia afirma, ho naksala sira ne’ebé akontese ona iha tinan 20 nia laran, povu tenke matenek ho neok badaen hili prisidente republikua iha buka fo solusaun ba problema hodi bele hadiak naksala sira ne’ebé akontese, nune’e lori povu hetan determinasaun ida diak hodi harii narativa foun iha futuru.

“Tinan 20 Timor-Leste labele hakat ba oin, ita iha problema oi-oin hahu husi krize politika militar, impase politika, tanba atu solusaun ba problema nee vota ba ema ne’ebé hatene buka solusaun hadiak naksala hikar neebe atu lori povu hetan determinasaun hodi hari narrativa foun iha future,” dehan nia.

Tanba ne’e, iha loron 19 Marsu povu mak sei determina hodi restaura sosiadade ida harmonia no hamoris ambiente politika ida foun hodi fo biban komunikasaun ida saudável, la halakon respeitu ba malu hanesan maun ho alin no komunikasaun politika ida ne'ebé sei lá akontese diferensa politika ba malu vingansa atu selok malu.

“Ha’u fiar bainhira fó konfiansa mai ha’u hanesan Presidente Repúblika halo Timor-Leste sai fatin ba sidadaun hotu atu debate povu nia moris la’os ba grupu balun nia interese,”katak nia.

Tanba ne’e, estadu Timor-Leste tenke sai nasaun ida ne'ebé hametin fraternidade, hodi restaura imajen estadu ida ne'e perante povu ida ne'e no nasaun ida ne'e di’ak.