“Ha’u Isabel labele halo buat barak bá povu no rai Ida ne’e. Ha’u só halo ba ema ema ida-rua deit, hanesan ha’u-nia esperiensia rasik iha ha’u-nia fundasaun ne’ebé ami hari’i iha tinan 2006. Bainhira krize mosu ami harii fundasaun ida hodi apoiu povu iha situasaun difisil,” dehan nia, iha Postu Administrativu Laleia, Munisipiu Manatutu, horisehik.

Nia hatutan, fundasaun ne’e sira so bele hala’o iha tinan 2012, tanba sira iha preokupasaun servisu estadu nian, entaun sira labele hala’o ho fundasaun ne’e ho di’ak.

Liuhusi fundasaun Quesadhip Ruak sira hetan pedidu barak husi populasaun sira liuliu familia kbiit la’ek, joven sira kona-bá sira-nia problema uma laran, hanesan laiha uma ho kondisaun di’ak, bolsa estudu no laiha apoiu oan sira ba eskola, ho ida ne’e fundasaun hetan proposta barak hodi fó tulun ba maluk kbiit la’ek sira.

Tanba ne’e, ho kbiit ne’ebé iha fundasaun só fó responde kada munisipiu Ida sira fó apoiu familia kbi’it la’ek na’in rua hodi hetan bolsa estudu no kada territoriu tomak bele fó ba hamutuk 26, apoiu familia kbiit la’ek tinan ida bele halo uma tuir kbi’it fundasaun sira nian.

Ho situasaun sira ne’e hotu, hakarak ka lakoi sira tenke tama iha politika, tanbá ne’e periodu prezidensial ho oportunidade ida ne’e Isabel mós hakarak partissipa hodi kandidata-aan ba prezidente ba periodu tinan 2022 to’o 2027.

Nia dehan, agora daudaun maioria populasaun Timor-Leste ne’e ho labarik mak barak, sira ne’e mak futuru nasaun nian, ho ida ne’e agora daudaun tenke prepara aan didi’ak atu hakata ba tinan 20 bá restaurasaun independensia nian, tanbá ema barak mak liberta rai ne’e, povu hamutuk 250.000 mak mate ba rai ne’e, ho ne’e labele haluha sira-nia memoria hodi dezenvolve Timor ho espiritu ukun rasik-aan.

Iha fatin hanesan, Kordenador ekipa sussesu husi Munisipiu Manautu, João Viegas Gusmão hateten, husi Postu Administrativu Laleia, Munisipiu Manatutu, orgullu tebes ho prezensa ne’ebé Eis-Primeira, liuhusi nia kandidatu prezidente tinan 2022-2027, maski sira simu prezensa kandidata Isabel nian la masimu.

“Tuir lema kandidata Isabel da Costa Ferreira nian mai ita hamutuk iha mehi ida ba pás, estabilidade no moris di’ak, ho ida ne’e ami orgullu tebes prezensa husi kandidata Isabel nian iha fatin ida ne’e,” dehan nia.

Isabel Hetan Fiar Husi Povu

Koordenador Jeral Ekipa Vitoria, Laureano Fernandes hatete, kandidatura Isabel da Costa Ferreira ho karakter proximidade ualu (8) bainhira hetan fiar husi populasaun liuhusi sira-nia votu.

"Karakter ida ne'ebe prezidente besik ba povu, ema kbiit laek ka povu ne’ebé la iha lian, besik ba labarik sira, hamutuk ho joven no besik ba familia sira no prezidente ida ne'ebe nia gabinete nakloke ba ema hotu-hotu no fasil liu atu hetan solusaun no fasil liu iha gabinete ida ne’e mak ita-nia kandidatu ho numeru sorteiu 1 atu lori iha ninia mandatu karik ita-nia populasaun fo votu ka konfiansa ne'e mak sei aplika iha ninia mandatu hanesan Prezidente,” dehan nia.

Nia hatutan, kandidatura mai ho lema ida katak Maromak, familia no patria, buat tolu ne’e sai hanesan valor ne'ebe presiza hamoris fali iha kontestu ho ne’e transforma ba ema nia hahalok sira ne'ebe durante ne’e iha vizun ne’ebé vigansa.

Nia informa, vizun ne'ebe haree ladún di’ak, entaun lori hikas fali valor ne'ebe uluk beiala sira lori, familia ne’e atu bele liberta no hametin fila-fali establidade pás, bele orienta fali sosiedade iha familia hanesan nasaun TL mesak familia de’it no patria, tanba timoroan hotu baze ba fee no familia ne'ebe harmonia.

Iha Fatin hanesan, koordenador Postu Laleia, João Viegas Gusmão hateten, reprezenta joven Laleia orgullu tebes ho prezensa Kandidatura Isabel Ferreira.

"Ami postu laleia orgullu tebes ho prezensa eis prezidente dama no hanesan kanditura presidente ne'ebe mak hi'it an mai iha ami nia postu liu husi nia kandidata eleisaun Prezidensial ba periodu 2022-2027",Hakotu Nia