“Hanesan Xefe Estadu sei garante independensia ho orgaun soberanu sira atu bele halo sira knar tuir lolos Lei sira neebe atribui husi Konstituisaun Republika atu bele halo separasaun lolos hodi respeita independensia,”dehan nia iha debate Kandidatu Prezidente Repúblika 2022-2027, iha Ótel Novu Turizmu, tersa nee (15/03).
Tanba nia dehan, naturalmente orgaun soberanu sira nia knaar atribui independénsia nasional ba malu, maibé hanesan Prezidente Repéblika sei garante sira nia independénsia dahuluk atu bele hala’o knaar lolos tuir Konstituisaun.
Prezidente Repúblika sei husik orgaun soberanu ida-idak hala’o knar tuir sira nia kapasidade rasik, maski sei hasoru dezafiu no difikuldade iha sira nia knar maibé la evita referensia atu bele tulun lalais hodi sira bele ultrapasa situasaun.
Nunee, sira bele aprende rasik iha sira nia knaar atu bele atinji sira nia maturidade, profesionalizmu.
“Tantu, hanesan Prezidente Repúblika nuudar simbolu unidade nasional no garantór ba funsionamentu instituisaun soberanu sira nia diak no ha'u sei halo lolos ha'u nia knar hodi garante bom funsionamentu sira atu halo intereferensia mesmu interreferensia ne’e nesesita duni,”tenik nia.
Tanba iha nesesidade ne’ebé ezize husi kada orgaun soberanu no iha Konstituisaun klaru ona hanesan Prezidente Repúblika sei dehan ba orgaun soberanu sira atu halo knar lolos tuir interpretasaun ba Konstituisaun.
Entretantu,Vizaun Kandidatu Prezidente númeru 5, nia mak “Hamutuk ho Ha'u Ita Tane As no Halulik fila fali Ita nia Lei Inan”.
Ho vizaun mak “Sai Alternativu Ida ba Forsa Politika partido CNRT no FRETILIN” ne’ebé sempre hatudu konkorensia iha ita nia rain no atu siklu politiku iha ita nia rain. “Ne’ebé ita hatene hela bainhira CNRT ba ukun, FRETILIN sai rejistensia no bainhira FRETILIN ukun CNRT sai rejistensia”.
“Tanba ne’e ha'u hanoin hamriik iha ne’e atu sai alternativu ida atu bele sai kore tiha fukun ida ne’ebé lori ona siklu politiku ida ne’ebé dala ruma labele kuda iha tempu badak nia laran,”dehan nia.
Atu fortifika misaun ne’e, Kandidatu PR ne’e esplika, primeiru hanesan Prezidente Repúblika apoia governu hala’o servisu relasaun internasional ho lolos no rigorozu ba ema ne’ebé atu sai reprejentante diplomatika iha rai liur hodi atrai fali no eleva fali kreadibilidade no vizibilidade Timor-Leste nian iha mundu internasional.
Tanba ho evolusaun politika mandatu ida ne’e nian, tuir nia haree katak vizibilidade no krebibilidade Timor –Leste iha mundu internasional lakon tiha.
“Nunee ha'u hanoin hodi aprejente-aan hanesan kandidatu ida atu sai alternativu ida ba alternativu sira seluk atu sai alternativu foun ida hodi dada alternativu ne’ebé ha'u senti katak alternativu rejistensia ne’ebé kontaminadu ho politika ne’ebé lao dadaun iha rai laran,”hakotu nia.
