Kandidatu PR Mariano Assanami Sabino Lopes hateten,  atu garante dezenvolvimentu nasionál ih dimensaun haat importante mak hanesan, estabilidade nasionál, seguransa defeza, ekonomia no governativa.

Bainhira governasaun ida tenke hasa’e kresimentu ekonomia, hodi haburas ekonomia familia fó biban ba inan-aman sira atu bele hetan osan oituan hodi hadia moris, sustenta oan sira ba eskola no sira seluk tan.

Ukun ne’e tenke deskreve oinsá hasa’e rendimentu ema hotu nian, tenke loke kampu servisu ba joven atu sira bele hadia moris ba oin.

Prezidente Repúblika tenke kria politika jeral ida hodi kontrola governu nia servisu ba bem estar povu nian, nu’udar Xefe Estadu sei kria politika jeral ida hodi kontrola servisu governu atu servisu hodi garantia povu nia moris diak.

Ukun tenke deskreve hodi halo balansu produsaun rai laran, saida mak presiza produs iha rai laran hodi importa ba li’ur no produtu saida mak presiza exporta,

“Ha’u sai Prezidente Repúblika hakarak hametin ekonomia rai  laran garantia politka enjeral orienta governu hodi garantia bem estar povu nian,” dehan nia, liu husi dikursu politika kampaña eleitoral, iha kampu futebol Vikeke, Kuarta (09/03).

Assanami informa, tinan 20 tempu ne’ebe naton ona atu konsentra ba dezenvolvimentu hodi hadia povu nia moris, rai ne’e atu ba oin presiza garantia joven foinsa’e sira  nia futuru, tanba ne’e aman sira presiza hamutuk lian ida dudu dezenvolvimentu ba oin.

Lider jerasaun foun ne’e husu ba inan aman tomak atu vota ba númeru 16, vota ba fraternu, solidariu no unidu.