Komando Operasaun PNTL, Supertenidete Henrique da Costa dehan, PNTL sei enfrenta menus fasilidade no ekipamentu hodi asegura eleisaun jeral.
“Oras ne’e dadaun ita enfrenta hela fasilidade sira, ida ne’e sai dezafiu boot ba ita bainhira hala’o segurasa iha elisaun jeral ne’ebé besik ona,” dehan Henrique ba Jornalista sira iha Hotel Ramelau Aimutin-Dili, Kuarta (8/2).
Fasilidade sira ne’ebé menus mak Radio Komunikasaun, Transporte, no fasilidade sira seluk ne’ebé atu apoiu operasaun.
“Ita sei halo kordenasaun ho autoridade seluk hodi responde ba kestaun sira ne’e,” katak Komadante Operasaun ne’e.
Ba planu operasaun, nia dehan Komando halo ona planu no atinze ona porsentu 80.
