Diretór CNE Munisípiu Manatutu, Paulino Soares hateten, CNE servisu hamutuk ho ekipa observadór internasionál no nasionál hanesan Uniaun Europeia, PDHJ tantu PNTL, servisu hamutuk observa kampaña la'o ho di'ak.
"Iha ekipa susesu balun ne'ebé ko'alia hanesan liafuan la tuir regra no kritériu ne'ebé lei eleitorál haruka," dehan nia, iha Manatutu, Kuarta (09/03).
Maibé iha apoiante balun ne'ebé mai partisipa kampaña lori ho labarik ki’ikoan sira tuir kampaña ne'e ba kandidatu hotu-hotu.
Aliende ne'e mós funsionáriu públiku sira útiliza karreta no motor estadu ida ne'e CNE deteta iha evidensia.
Nia haktuir, motorizada no karreta estadu CNE deteta iha haat hanesan ne'e ema ne'e servisu iha liña frente, maibé tuir lei ba ema sira ne'ebé uza karreta estadu hanesan CNE bele uza.
Maibé CNE sei identifika husi ministériu ne'ebé, se husi saúde razaun uza kona-ba saida, see husi STAE konsidera tanba orgaun eleitorál CNE ho STAE servisu ba kampaña eleitorál.
Hanesan CNE papél ida hala'o supervizaun só hakerek de'it atu relata informasaun ne'ebé hatama ba CNE hato'o keixa fasilita de'it keixa haree de'it halo supervizaun.
Nia esplika, molok ne'e, iha Tersa (8/3), CNE halo observasaun iha Postu Administrativu Bariki, kandidatu balun ne'ebé funsionáriu sira iha postu, inklui CNE iha foto depois sei deteta funsionáriu ne'e husi ne'ebé no ministériu ne'ebé.
Entretantu, observasaun jornalista iha terrenu nota kampaña kandidatu Francisco Guterres Lú Olo, iha Kuarta (9/3), seguransa másimu husi PNTL, observadór internasionál no nasionál hanesan Uniaun Europeia, PDHJ, CNE-STAE.
