Berta kandidata ba Prezidente Repúblika, maibé seidauk foti desizaun hodi hatama karta lisensa tanba sei hein reultadu husi Tribunal Rekursu.
“Agora ha’u seidauk ko’alia too iha ne’ebá tanba asume hela kargu iha Governu tanba ne’e mak see bele iha tempu to’o iha ne’ebá ita sei hein husi Tribunál,” dehan nia, iha rezidensia Primeiru Ministru, Farol, horisehik.
Bainhira husi Tribunál fó sai ona dehan ofisial bele kandidata, hafoin bele halo karta hodi hapara atividade sira ka servisu hotu-hotu ministériu nian, nunee hodi bele tun ba iha terrenu hodi halo kampaña.
“Maibé agora daudaun ha’u seidauk bele anunsia ba ita-boot sira, mas ita hein husi Tribunál anunsia ona ita mós bele hatama karta lisensa ka cuti,” tenik nia.
Molok ne’e, Prezidente Ekipa Susesu Armanda Berta dos Santos, Marito Magno hatete, husi Parte Tribunál Rekursu verifika ona maibé sei presiza tan dokumentu elektroniku, liuliu ba lista sira ne’e tenke ketik ho elektronik hotu. Tanba ne’e, sira sei mai kompleta tan sira nia dokumentu elektroniku.
Nia dehan, kandidata Armanda Berta nian lista apoiante sira hamutuk 8.641, maibé antes ne’e sira rekoilha proponente liu rihun 10, maibé bainhira parte husi notariadu halo autentikasaun hetan de’it 8.641.
