Kandidatu ângela hateten, mai iha fatin ne'e tanba haree povu sira kuaze mai konsetrasaun iha merkadu, durante sira rasik laiha asesu ba informasaun.

"Fatin ne'e importante tebes para atu tranzmite programa, atu sira bele koñese diak liután ba kandidatu nia programa importante tebes ba komprimisiu politiku," dehan nia, iha Merkadu Taibesse, horisehik.

Komprimisiu politiku kandidatu hato'o ba negosiante sira, tanba durante sira mai husi área rural mak barak, sira ne’ebé halo tranzisaun atividade komersiu.

Tanba ne'e, hanoin katak loron ikus atu koalia loloos aban sei ba Atauru, ida segundu ultima dia, hanoin fatin ida ne'e di’ak tebes.

"Sistema judisiariu tenke iha duni formasaun bainhira eleitu Prezidente Republika tanba haree prosesu durante ne'e iha intervensaun politiku mak barak liu,” dehan nia.

To'o ikus justisa em povu jeral durante ne'e hakarak hetan, tanba ne'e reforma husi parte husi judisiariu.

Aleinde ne'e, Prezidente Republika eskreve ona iha konstituisaun, la eskreve iha konstituisaun, iha situasaun ida ne’ebé obriga duni intervensaun ba Prezidente Republika.

Atu solusiona faze politiku ne’ebé akontese iha rai laran no nezesariu duni ba Prezidente Republika tenke imidiata atu bele rezolve problema sira ne'e ba povu sira moris hakmatek.

Tanba ohin loron sofre kosekuensia politiku sira durante ukun na'in sira hasai tempo to'o ona hanoin katak halo mundansa radikalmente atu reforma instituisaun sira ne'e hotu.

Atu tau ema ba parte loos, atu bele konsentra prosesu desenvolvementu ekonomia rai-laran, tanba haree durante ne'e koalia kona-ba Joventude sira mas realidade numeru dezempregu aas tebes joventude sira laiha servisu.

Entretantu Joven Sira ba buka servisu iha nasaun seluk, politiku governu nia la konsege kria politika oinsa bele gania konkista investor sira iha rai liur.

Nia dehan, haree durante ne'e membru governu sira sai fali troka, tanba predeodika tebes ba investor sira atu investe iha rai-laran.

Atu labele preodika atu mai halo kompetisaun fali komersiu lokal sira ne'e, tanba lei ida ne’ebé proteje komersiante lokal kapital tokon US$ 10 ba leten. Durante haree ema sira mai husi rai-li’ur no halo servisu iha povu rai-laran.