Sekjer Mari Alaktiri hateten, hanesan fundador FRETILIN triste tanba povu Laklubar nunka hetan dezenvolvimentu iha tinan 10 nia laran. Laiha estrada, saneamentu no eletrisidade. Tanba ne'e, povu Laklubar sai izoladu husi dezenvolgimentu pais ne'e nian.

“Estrada ne'ebe iha Laklubar ne'e estada partimoniu husi tempu okupasaun Indonesia nian. VI Governu la halo buat ida", tenik nia, iha kampaña komisiu FRETILIN, iha postu administrativu Laklubar-Manatutu, Tersa (25/4).

Nia akresenta, kuandu FRERILIN maka manan iha eleisaun antesipada ne'e estdada sei tama kedas iha Laklubar ba to'o Turiskai. Tan ne'e, vota ba FRETILIN.

Entertantu, Luis Oliveira, Laklubar-oan ne'ebe sei reprezenta Lakluhat iha Parlamentu Nasional hateten, FRETILIN kaer ukun tinan ida Laklubar sei hetan estrada foun ba Turiskai.

Hanesan jerasaun Manatutu, konvida Laklubar-oan tomak tenke vota ba nia inklui ninia familia sira ne'ebe oras ne'e hamrik iha partidu seluk atu fila fali ba uma knua FRETILIN hodi fo apoiu ba nia atu sai reprezentante iha PN.

“Kuandu FRETILIN mak manan iha Laklubar ha'u iha PN mos sei brani tuku meza hodi koalia makaas futuru Laklubar nian. Maibe, Laklubar mak FRETILIN lakon ha'u iha PN mos forsa laiha atu koalia", tenik nia.

Tanba ne'e, mai hotu fo apoiu ba malu hodi lori FRETILIN manan iha eleisaun antesipada para bele aselera liután programa governu nian ba tinan lima oin mai.