Tuir Diretór Jerál STAE, Acilino Manuel Branco hatete, total Eleitores 859.613 ne'e kompostu husi munisipiu 12 no Reziaun Administrativu Espesial Oecusse Ambenu (RAEOA).
“Durante nee ita rejistu ona populasaun iha Timor-Leste hamutuk 1.280,743 husi Ida nee ita nia eleitor sira iha timor laran tomak hamutuk 859.613, númeru eleitor ne'e mai husi munisipiu 12 no RAEOA, postu-administrativu 65, suku 452, sentru votasaun 1.200 no estasaun votu 1.500,” dehan nia iha edifisiu STAE, vera crus, sesta ohin (18/03).
Nia dehan, husi númeru sira iha munisipiu Aileu total populasaun hamutuk 54.106, eleitor 33.603, Ainaru populasau hamutuk 65.165 husi númeru ne’e eleitor hamutuk 45.833, Baucau populasaun hamutuk 126.562 ho nia eleitor hamutuk 96.2027.
Total populasaun iha Bobonaru hamutuk 99.956 husi númeru nee eleitor hamutuk 70.283, populasaun iha Kovalima hamutuk 68.863 ho eleitor 47.807, populasaun iha Dili 328.666 ho eleitor 190.710.
Total populasaun iha Ermera hamutuk 136.010 husi númeru nee eleitor hamutuk 82.714, populasaun Lautem 66.909 ho eleitor 48.012, Likisa populasaun 78.700 ho nia eleitor 50.987.
Populasaun iha Manatutu hamutuk 48.876 husi númeru nee eleitor 35.603, Populasaun Manufahi 56.844 ho nia eleitor 40.825, Populasaun iha RAEOA hamutuk 71.486 ho eleitor 51.495 no total populasaun iha Vikeke hamutuk 78.599, husi númeru ne’e nia eleitor hamutuk 58.421.
Entretantu, total eleitor timor-oan iha Australia hamutuk 1.487, Koreia do Sul 1.277, Irlanda do Norte 1.264, Portugal 856 no Reinu Unidu hamutuk 2.229.
Nia informa, iha Diaspora katak tranportasaun hala’o ona iha loron 14 fulan-marsu, husi Australia nian ho kondisaun di’ak, ho ida ne’e tekniku sira hahú halo ona formasaun bá ofisial eleitoral sira ne’ebé dezigna ona iha fatin tolu hanesan Darwin, Sidney ho Melborn.
Husi Korea do Sul nian sei kontinua aplika hela regras pandemia covid-19 nian, entaun ekipa sira too iha neebá submete bá iha karentina depois halo fila fali teste pasiente negativu hotu, mak sei halo preparasaun bá vota.
Aleinde ida ne’e¸Portugal ho Irlandia do Norte ekipa sira to’o iha neebá direita kedas ho aviaun domestika bá kedas bá Irlandia no Portugal ho Reinu Unidu rasik, halo ona preparasaun bá formasaun hodi organiza votasaun hanesan mos iha territoriu, maibé tuir oras lokal país sira nian.
