“Ha’u Kay Rala Xanana Gusmão demite-aan husi kargu Prezidente partidu CNRT, maibé serve nafatin ba CNRT ba tinan lima mai hodi ajuda hakbiit CNRT ne’ebé ha’u respeita tebes”, dehan Xanana, iha konferénsia nasionál, iha Centro Convenção Dili (CCD), horisehik.

Iha ninia deklarasaun, prezidente CNRT mós husu ba estrutura partidu nian atu konvoka kongresu estraordináriu ida atu ko'alia fali kona-ba lideransa partidu nian ba futuru.

Razaun prinsipál Xanana rezigna husi kargu prezidente tanba karik iha tinan tinan sanulu (10) nia laran ladún orienta di’ak liu partidu no mós formasaun no korrije hahalok membru governu sira nian.

Eis-gerrilleiru ne’e konsidera derrota ne’ebé partidu CNRT hetan iha eleisaun lejizlativa nu’udar oportunidade atu hadi'a, aprende, korrije no reforsa liután CNRT ba oin.

Iha konferénsia ne’e, Xanana mós bolu atensaun ba kuadru polítiku partidu CNRT nian atu haree didi'ak sira-nia isin lolon rasik, tanba dala ruma la deskobre moras ne’ebé nia hetan hodi ikus mai bele mate.