Primeiru-Ministru, Xanana Gusmão agradese ba prezensa Sekretáriu Jerál Kao Kim Houm ho ekipa hala’o vizita ba Timor-Leste hodi buka hatene preparasaun hotu Timor-Leste nian.
"(Kao Kim Hourn) Sekretariu Jerál ASEAN nian, ini hotu hatene katak Sekretariadu ASEAN nian iha Jakarta Indonézia. Ne'ebé nia halo vizita tan mai Timor-Leste tanba ita hotu hatene no ko'alia bebeik TL hakarak sai membru ASEAN nian. Ami ko'alia uituan oin-nusa mak sai membru ASEAN ”, PM Xanana hateten iha komunikadu, ne'ebé Online INDEPENDENTE sita, Tersa feira (02/04).
Xefe Governu haktuir, iha hasoru malu ne’e Sekretáriu-Jerál fó ideias ne’ebé importante tebetebes atu Timor-Leste prepara aan rasik hodi bele iha tinan mai-ne’e bele sai membru ASEAN ninian.
"Nia mós kontenti mai to'o iha ne'e, ita atu dehan karik katak nia okupadu tebes-tebes maibé nia mai to'o ita. Ne'e duni lori TL no Governu nia naran agradese tebes ba prezensa Sekretariu Jerál ASEAN nian tanba mai ona vizitaTL”, Xefe Governu tenik.
Biban hanesan, Sekretáriu Jerál, Kao Kim Houm sente previlejiu bo’ot tanba bel hasoru malu ho Primeiru-Ministru, Xanana Gusmão.
"Ha'u foin hasoru PM Gusmão ida ne'e hanesan previléjiu bo'ot ida ba ha'u no ha'u-nia ekipa hudi Sekretáriu ASEAN. gratu boot ida ba ami tanba ami iha Díli hodi diskute kona-ba preparasaun ne'ebé mak la'o dadaun kona-ba TL iha komprimisiu boot hodi sai membru Planu ASEAN. Husi prosesu ne'ebé mak la'o ona, no fiar katak TL sei sai membru ASEAN, klaru katak TLinveste ona durante prosesu Adezaun," katak Kao Kim Houm.
Nia afirma, ida-ne'e hatudu katak Timor-Leste iha komprimisu bo’ot hodi sai membru ASEAN.
"Klaru katak ha'u sei Kontinua ha'u nia diskusaun ona no aban, no ami hakarak oferese ami-nia apoiu tomak tomak ho ami-nia papél nu'udar Sekretariu ASEAN. No TL mos presiza hatudu ninia aportidaun hodi sai membru ASEAN," Nia hato'o.
Sekretáriu-Jerál ne’e nota mós katak, Timor-Leste serbisu maka’as desde inísiu to’o agora, hahú hosi lideransa Timor-Leste tantu nível polítika no téknika.
"TL iha ona faze ida preparasaun tanba ne'e ami kontenti tebes hodi hasa'e progresu ne'ebé mak la'o dadaun. No hakarak husu ba nasaun ASEAN sira atu kontinua fó apoiu TL nia preparasaun sira hodi sai membru sedu liu duké tarde ”, Líder ASEAN afirma.
Enkuantu, Nasaun membru ASEAN hamutuk 10 mak hanesan, Indonézia, Vietname, Laos, Brinei Darussalam, Myanmar, Filipina, Cambodia, Singapura no Malázia. Enkuantu, Timor-Leste dadaun ninia estatutu nu’udar observadór.