PNTL Distribui Kareta 27 ba Nia Departamentu Sira Featured

By Ivonia Varela Abril 02, 2024 158
Kareta neebe Komando PNTL distribui ba Departamentu sira. Foto:INDEPENDENTE. Kareta neebe Komando PNTL distribui ba Departamentu sira. Foto:INDEPENDENTE.

DILI: Komando Jerál Polisia Nasionál Timor-Leste (PNTL), distribui kareta kargo no operasionál hamutuk unidade 27 ba departamentu sira iha PNTL.

Kareta hamutuk unidade 27 ne'ebé Komando Jeral Distribui ba Departamentu PNTL kompostu husi Modelu Toyota 23, Pic Up tolu (3) no Derek ida (1).

Komadante Jerál PNTL, Komisáriu Jerál Polísia Henrique da Costa hatete, kareta hirak ne'e fahe ba diretor, gabinete no xefe departamentu sira tuir planu hola viaturas ne'ebé submete ba governu iha proposta orsamentu retifikativu tinan 2023.
"Tanba ne'e ita husu ba para ita kumpri duni orintasaun ka kumpri planu karak kareta nee fahe ba departamentu sira tan ne'e ita fahe duni ba departementu sira atu nune'e sira utiliza hodi fasilita ba servisu," dehan Komandante Jeral iha Komando Jeral PNTL Caikoli, Tersa (02/04).
Nia fundamenta sira ne'ebé simu kareta, tanba sasan ne’e estadu nian tenke utiliza ho responsabilidade no utiliza ba benifisiu instituisaun iha servisu fatin.
"sasán nee estadu nian la'os ohin simu aban utiliza la iha kuidadu ninia impaktu halai nafatin ba estadu tanba ba iha manutensa ninia, ita boot sira tenke hanoin katak sasan ne’e estadu nia tenki uza duni ba servisu estadu nian, la’os estadu nia be ita aproveita uza ba benifísiu pesoál nian ikus mai mosu asidenti ruma ita nain tenki responsabiliza," nia hato'o.
Komando Jerál mos husu ba kondutores sira ne'ebé atu lori kareta refere tenki tuir treinamentu atu nune'e hatene kareta ninia kondisaun tanba kareta refere modelu foun.
Enkuantu, kareta hirak nee sei distribui ba iha diresaun komandu jerla, Xefe Departementu komando Jeral, Gabinete Komando Jeral, Sentru Formasaunn Polisia no Tranzitu Nasional inkliu tranzitu Munispiu Dili.
Entertantu, orsamentu ne'ebé aloka hodi sosa kareta hamutuk unidade 47 ho montante $2 Milloens, maibé Komando Jeral sei distribui uluk 27 no unidade 20 hein tempu tuir mai.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30