Portavoz apela kestaun ne’e relasiona ho attitude estudante balun ne’ebé hela iha fatin kuerantina uza halo rona musika, tuur halibur malu no dansa.

Nia husu ba abitante sira iha kuarentena balun konfirmadu ona COVID-19 atu tuur hakmatek nunee pesoal saúde sira hala’o ninia servisu.

Dadus akumulativu hahú husi loron 6 fulan-Marsu mai too ohin (11/4), suspeitu hamutuk na’in 64, na’in rua mak konfirmadu, na’in ida rekoperadu fila ona ba uma, maibé sei kontinua iha kofinamentu volontariu durante loron 14 nia laran, no kazu kofirmadu foun ne’e halo hela tratamentu iha sala izolamentu Vera-Kruz.

Tanba ne’e provijoriamente Timor-Leste kontinua kazu pozitivu ida. “Provavelmente ne’e ema na’in 12 maka sei hein hela rezultadu laboratóriu, na’in 50 hatudu negativu,”dehan nia, liuhusi konferensia impresa, ohin.

Husi dadus hirak ne’e hatudu katak kazu ne’e importadu seidauk iha transmisaun lokal iha Timor- Leste nia laran.