Embaixada EU Dili Lori-Fila Ona Nia Sidadaun

Dezembru 23, 2024

Embaixada EU Dili Lori-Fila Ona Nia Sidadaun ^Featured

By Jose Sarito Amaral Abril 12, 2020 3504

Sidadaun Estadu Unidos Amerika fila hikas liu husi aviaun AIRNORTH, iha Aeroportu Internasional Nikolau Lobato Dili, Domingu ohin (12/4). Foto Esp.

DILI:Embaixada EUA Dili, Timor-Leste lori-fila ona (repatriasaun) nia sidadaun EUA na’in 14 ba Estadus Unidus iha loron Domingu ohin (12/4).

Sidadaun EUA ne’e semo ho aviaun AIRNORTH, iha tuku 7:30 horas Timor-Leste, iha Aeroportu Internasionál, Nikolau Lobato Dili.

Repatriasaun ne’ebé liu husi AeroportuDili, akompaña husi Adjuntu Embaixadór Estadus Unidus Amerika iha Dili, Elias Parra.

Liuhusi karta komunikadu ne’ebé INDEPENDENTE online asesu, hatete Ministériu Negosiu Enstranjeiru EUA no Embaixada Estadus Unidus iha Timor-Leste laiha tan prioridade boot seluk alem siguransa ba sidadaun EUA nian ne’ebé hela iha nasaun seluk.

Tanba limitasaun opsaun viajen komersial, semana ida ne’e ikus, nunee disponibiliza voo espesial ida ba sidadaun EUA no residente permanente legal EUA nian sira ne’ebé hakarak sai husi Timor-Leste.

Iha loron 19 fulan-Marsu 2020, Ministériu Negosiu Estranjeiru EUA nian sujere sidadaun EUA sira atu evita viajen internasional sira tanba impaktu global husi COVID-19.

Embaixada EUA iha Dili kontinua nia operasaun ho asaun prevensaun tuir governu Timor-Leste nia Estadu Emerjensia no kontinua iha komitmentu atu apoia Timor-Leste hodi hasoru desafiu COVID-19 nian.

Embaixadora Fitzpatrick anunsia ona katak Estadus Unidus liu husi nia Ajensia ba Dezenvolvimentu Internasional (USAID) iha komitmentu atu oferese millaun $1.1 hodi tulun governu Timor-Leste luta kontra COVID-19.

Rate this item

(0 votes)

Last modified on Domingu, 12 Abril 2020 10:44