"Sexta bázika, uma naroman ba povu, subsidiu $200 labele sai hanesan objetu atu hetan votus, tanba se de'it mak sa'e ba governu tenke duni dezenvolve programa ida ne'ebé benefisia povu, programa ida ne'e bele mudansa ba povu nia moris. Se de'it mak agora ba iha ne'eba ne'e inklui bolsa da mãe entaun agora sai hanesan objetu polítika orsida balun dehan, ha'u mós sa'e tenke halakon bolsa da mãe labele, povu hili imi ba tur iha ne'eba atu halo duni programa ba povu," dehan Diretór Ezekutivu AJAR, José Luís de Oliveira, iha knaar fatin, Faról, horisheik.

Entretantu, Koordenadór Asosiasaun HAK, Sabino Mendonça hateten, agora tinan polítika partidu sira uza oportunidade sira atu bele sexta bázika, subsidiu fim du anu, bolsa da mãe, uma naroman ba povu uza atu hetan konfiansa husi povu.

"Se Ita ko'alia kona-ba sexta bázika, subsidiu fim du anu ne'e estadu nian, no la'ós partidu ida nian, partidu ida ne'ebé sa'e, se karik sexta bázika, subsidiu fim du anu ne'e Estadu nian la'ós partidu nian. Maibé povu matenek ona, dala barak ema uza pensaun vitalisia, ami atu halakon pensaun vitalisia hanesan meius oin-oin atu bele konvense povu sira atu bele hetan fiar hanesan mós promesa falsu," haktuir nia.

Maibé, balun dehan vota ba nia sae ukun  sei implementa sexta bázika di'ak liu kompara ho anteriór maibé iha ne'ebé bainhira sa'e tiha la laliga ona, tanba ne'e mak povu labele influénsia katak ida ne'e partidu ida ne'e nian, maibé atu se de'it mak kaer estadu ne'e implementa la'ós partidu ida nian.

'Maibé partidu sira uza hanesan oportunidade atu halo promesa ne'e hanesan meius partidu polítiku nian atu bele konvense povu sira bele fiar ba sira ne'e normál ne'ebé influénsia partidu A no partidu B nian ne'e la'e," haktuir nia.