Enkuantu, tuir Komunikadu ne’ebé Online INDEPENDENTE asesu husi pajina ofisial Facebook TLMC, relata,  bazeia ba modelo meteorológico sira hanesan GFS, ECMWF no Meteoblue nota katak Illa Timor liu-liu costa norte no parte sentral ka rejiaun montaña sira sei kontinua simu rajada anin ho intensidade forte ne’ebé varia entre 30 to’ o 60 km/h pelo menus iha loron lima tuir mai.

“Área hirak ne’ebé iha probabilidade boot ba eventual ne’ebé mensiona iha leten atu kontinua akontese hanesan, Costa Norte anin ho velosidade 40-60 km/h mak, Dili, Líkisa, Manatuto, Baukau, Lautem, Atauro no Oecuse,”haktuir komunikadu refere.

Aleinde, iha Central, anin boot ho velosidade 25 to’o 50 km/h mak hanesan, Maliana, Aileu, Ainaro, Ermera, Laklubar, Atsabe, Baguia, Venilale, Luro, Ossu no Barique.

Nune’e, ba Costa Súl ho velosidade anin 20-50km/h mak, Suai, Uatulari, Uatucarbau, Iliomar no Dilor.

Entretantu, eventual ida ne’e akontese tanba iha influensia husi sistema no elemento meteorológico balun ne’ebé favorese hodi intensifika intensidade anin iha Illa Timor.

Sistema hirak ne’e maka hanesan,

- Diferensa presaun entre Continente Australia no Continente Ásia: Husi modelu meteorológico sira nota katak presaun atmosfera iha continente Australia ho valor medio 1008 hPa kompara ho 1017 hPa iha Ásia. Anin sempre movimenta husi Alta presaun ba Baixa Presaun. Nune’e diferensa presaun ho valor nebe mak boot entre continente rua intensifica monsaun Asia iha nebe intensifica intensidade anin iha fim de dezembro no inisiu Janeiro kada tinan tinan.

- Diferensa Temperatura tasi nian entre continente Australia no Ásia: Temperatura tasi nian iha Australia liu-liu iha rejiaun norte oras ne’ e dadaun manas liu kompara ho continente Asia. Ho temperatura ne’ebé maka aumenta jera sistema baixa presaun iha nebe possibilita anin husi Alta presaun nebe forma iha Continente Asia movimenta ba iha Baixa presaun nebe oras ne'e dadaun lokaliza iha noroeste husi Australia.

- Fator Lokal: Sistema lokal sira hanesan Brisa marítima no terrestre no mos topografia husi Illa Timor no Illa sira iha Indonesia fasilita hodi intensifika no kanaliza monsaun Asia ba iha continente Australia liu husi Illa Timor no Illa sira nebe haleu Timor.

Entretantu, bazeia ba informasaun nebe sita iha leten maka TLMC hakarak

husu ba viajante sira ne'ebe mak desloka ba municipiu sira hodi halao atividade ruma, atu tau "atensaun espesial" ba rajadas anin forte no kontinua hadok an husi fatin risku, hanesan ai

hun bo'ot, liña eletrisidade, no seluk tan, hodi evita dezastre ne'ebe la espera.

Sorin seluk TLMC mós hakarak husu ba maluk Viajantes no peskadores sira liu-liu iha parte Maritima nian ne’ebé viajem ka halao atividade ho Ro ahi Rote-Dili-Atauru-Oecusse atu toma atensaun ba laloran boot no anin ho rajadas ne’ebé maka'as bele hamosu risku ba vida.