“Karta ne'ebé hato'o liu husi Núnsiu Apostóliku Iha Díli, hodi dirijinba Papa Francisco, Xanana Gusmão konsidera katak, Bento XVI hanesan símbolu firmeza no korajen hodi proteje valór no prinsípiu Igreja Katólika nian, atu metin sarani Sira nia memória no fuan,”Online INDEPENDENTE sita iha komunikadu, kuarta ne’e.
Tuir Xanana, valór ne'e hanesan referénsia ba soliedaridade, domin ba sira ne'ebé kbiit la iha, rekonsiliasaun no perdaun.
Líder Nasionál fundamenta katak, legadu husi Bento XVI sai wé-matan inspirasaun ba sira ne'ebé koñese nian no mós ba Igreja katólika mundu tomak, inklui mós Timor-Leste ne'ebé dadaun ne'e lutu hela ba Papa Eméritu nia mate.
Xanana sente hanesan mós katóliku, harohan no halo orasaun atu Papa Eméritu nia klamar bele hetan deskansa rohan laek ne'ebé merese duni.
Líder Nasionál konsiente katak, situasaun ne'e difísil bá Papa Francisco, tanba ne'e ho tristeza klean, aprezenta sentidu kondolénsia no konsiderasaun a'as ba nia.
Entretantu, antes ne'e, Líder Nasional Kay Rala Xanana Gusmão konsege hasoru malu ho Papa Francisco iha Vatikanu, durante serimónia elevasaun Dom Virgílio Cardeal do Carmo da Silva no Sua Santidade konsidera nia nu'udar ema humor.
Enkuantu, Papa Emerito Bento XVI fila hikas ba Aman Maromak Nian kadunan santo iha loron 31 fulan-Dezembru 2022, iha oras tuku 09:34 dadaer,iha nia rezidensia iha kongregasaun Mater Ecclesiae iha vatikanu no mate ho idade 95.
