Tuir observasaun diario INDEPENDENTE, segunda ohin (20/3) katak, maski loron manas no liña ne’ebé naruk maibé lider númeru um (1) iha nasaun ne’e ho nia Espoza lakohi hakat votantes sira seluk.
Ambiente antrian ne’ebé Aman ba Nasaun ne’e halo la’os foin akontese, maibé akontese mós ba eleisaun jerál iha tinan hirak ba kotuk.
Antes ne’e, Presidente Taur apela ba populasaun sira atu ezerse sira nia direitu votu ba lider ne’ebé hadomi povu, lider ne’ebé preokupa povu nia moris no bele garante estabilidade nasional.
Apela mós ba povu atu kontinua hakmatek, kria paz no unidade hodi simu rejultadu saida de’it mak mosu husi eleisaun presidensial.
Husu mós ba kandidatu na’in walu (8tata) atu simu rejultadu, tanba realidade povu mak determina nia votus.
