“Ha'u hanoin ohin nia (Xanana) la mai maibé ha'u hatene katak lider Xanana Gusmão, nia lider boot ida, nia mós lakohi atu situasaun ida ne'e atu kontinua arasta nafatin hodi fó terus nafatin ba nia povu,” deklara PR Lu Olo ba jornalista sira iha Palasiu Prezidensiál Bairu-Pite, Segunda (10/02).
PR Lu Olo hein katak maske iha enkontru horisehik Xanana la partisipa, maibé iha tempu seluk nia bele hatudu vontade hodi hamutuk buka solusaun ba problema ne'ebé iha.
“Ha'u fiar katak ohin la mai, maibé prontu, iha tempu seluk dala-ruma nia bele dispoin nia vontade atu hamutuk hodi bele hetan solusaun ba problema,” hatutan PR Lú Olo.
