PR Lú Olo Seidauk Halo Desizaun Hali'is ba Partidu Featured

By Jacinto Xavier Maiu 18, 2018 837
Presidente Lu-Olo Presidente Lu-Olo

DILI: Desizaun polítika ne’ebé durante ne’e Prezidente Repúblika, Francisco Guterres ‘Lú-Olo’ foti durante ninia mandatu, seidauk hatudu tendénsia hali'is ba partidu polítiku ruma.

Lia hirak ne’e hato'o husi observadór polítika, Camilo Ximenes hodi responde ba ezijénsia partidu koligasaun Aliansa Mudansa ba Progresu (AMP) ne’ebé husu ba Prezidente Repúblika atu kore-aan husi influensia partidu.

Ha'u seidauk haree Presidente Repúblika nia desizaun ruma afavór ba nia partidu (FRETILIN) ka grupu nia-interese”, dehan nia, iha servisu fatin, Kampus Kaikoli, horisehik.

Tuir Camilo, Xanana nia-deklarasaun ne’e atu fó hanoin ba Xefe Estadu atu kontinua mantein pozisaun nu’udar aman ba Nasaun. Firme nafatin tuir korredór konstituisaun nian hodi halo desizaun neutru, imparsiál tuir lei haruka.

Antes ne’e, Presidente AMP, Kay Rala Xanana Gusmão husu ba Presidente Repúblika, Francisco Guterres ‘Lú-Olo’ atu evita aan husi partidu FRETILIN hodi rona liu ba povu nia lian.

Eis Presidente Repúblika hato’o lia hirak ne’e tanba Lú-Olo sai Prezidente Repúblika tanba kandidata husi partidu FRETILIN. 

Rate this item
(0 votes)

Independente Digital TV