Iha 13 Dezembru 2018 Prezidente Repúblika uza vetu polítiku hodi haruka fila ba Parlamentu Nasionál dekretu Parlamentu Nasionál ne’ebé halo alterasaun dahuluk ba lei númeru 13/2005 2 Setembru Lei Atividade Petroliferu tuir kbiit ne’ebé Konstituisaun Repúblika fó ba Prezidente Repúblika liu husi artigu 85 aline a no artigu 88 númeru 1.

Prezidente Repúblika veta dekretu Parlamentu Nasionál númeru 3/V no haruka fila ho mensajen ida ho loron 13 Dezembru 2018. Iha mensajen ne’e ho kbiit husi artigu 88 númeru 1, Prezidente Repúblika husu ba Parlamentu Nasionál atu tetu fila fali diploma ne’e.

Parlamentu Nasionál aprova fila fali dekretu númeru 3/V ho 41 ho 41 votus a favor no votu 1 kontra no nune’e tuir artigu 88 númeru 2, konfirma ho maiória absoluta diploma ne’ebé hetan vetu husi Prezidente Repúblika. Parlamentu Nasionál hato’o dekretu konfirmadu ne’e ba Prezidente Repúblika liu husi karta ho loron 10 Janeiru 2019 no Prezidente Repúblika simu iha loron tuir kedas.

Prezidente Repúblika haree fila fali dekretu ne’ebé Parlamentu Nasionál konfirma no katak la muda buat ida molok haruka fila ba Prezidente Repúblika atu promulga.

Nune’e Prezidente Repúblika tenke promulga dekretu Parlamentu Nasionál númeru 3/V iha loron 8 nia laran hahú sura husi loron simu dekretu ne’e tuir parte final númeru 2, artigu 880 Konstituisaun Repúblika.

Nune’e iha loron hanesan deklarasaun ba imprensa ida ne’e nian Prezidente Repúblika promulga dekretu Parlamentu Nasionál númeru 3/V ne’ebé aprova primeira alterasaun ba lei númeru 13/2005, 2 Setembru Lei Atividade Petroliferu. Ho promulgasaun husi Prezidente Repúblika dekretu Parlamentu Nasionál ne’e nakfila ba lei.

Dekretu númeru Parlamentu Nasionál hetan vetu polítiku husi Prezidente Repúblika maibé Parlamentu Nasionál aprova fila fali no nune’e Prezidente Repúblika tenke promulga dekretu ida ne’e tuir parte final númeru 2, artigu 880 konstituisaun haruka. Maibé la signifika katak Prezidente Repúblika hanoin hanesan ka konkorda ho sentidu polítiku ka juridika husi dekretu ne’e.

Nune’e promulgasaun ida ne’e sei la taka dalan ba fiskalizasaun abstrata konstituisionalidade no legalidade ba diploma ida ne’e. pedidu fiskalizasaun abstrata konstituisionalidade no legalidade bele halo tuir artigu 1500 Konstituisaun Repúblika.