Realmente dadus ne’e hatudu transmisaun surtu COVID-19 iha Timor-Leste liliu iha kapital Dili lao makaas loos.
Portavoz SIJK, dr. Odete Viegas informa katak kazu atual positivu COVID-19, suspeitu hamutuk 229, provavel 4, negativu 195, hein rejultadu 12, no konfirmadu positivu18.
Husi total positivu na’in 18 ne’e, na’in ida rekoopradu, no na’in 17 iha ona fatin izolamentu Sentru Saúde Vera Cruz Dili.
“Ba loron ohin ita iha aumentu dez kazus positivu, tanba ne’e mak atraza oituan hodi hein dadus. Dez pessoas ne’ebé ohin iha nafatin husi Hotel Katuas, maibé hakarak informasaun detaillu liu sei hatoo aban husi portavoz, tanba rejultadu ne’ebe mak iha mos ultima de hora,”dehan dra. Odete, kinta ohin, iha sala situasaun SIJK, CCD Dili.
Dra. Odete hatete, iha ona fatin kuerentina foun ne’ebé lokaliza iha tasi-tolu, tanba ne’e bele fasilita ona abitante sira no pesoal saúde sira.
