Iha tinan ne’e Instituisaun Polísia Nasionál Timor Leste (PNTL) selebra aniversáriu ezisténsia ba dala XVII konta husi tinan 2000 to’o 2017. Iha susesu barak mak instituisaun ne’e alkansa  liuliu iha kontekstu asegura estabilidade  iha país ne’e. Maibé, sei iha mós difikuldade barak ne’ebé instituisaun ne’e enfrenta. Tanba ne’e, iha biban loron 25 Marsu diáriu (INDEPENDENTE)  koko dadalia eksluzivamente ho Komandante Jerál (Komisáriu) Júlio da Costa Hornay, SIP, MAP iha nia knaar fatin Kuartél Jerál Kaikoli, Dili hodi hatuur hikas realidade mak akontese no mensájen interesante.