Kapturasaun ne’e bazeia ba mandadu detensaun primeiru interogatóriu Tribunál Distritál Dili (TDD) ho NUC0077/17.PGGCC.
Suspeitu deskunfia envolve iha kazu krime partisipasaun ekonomia liuhosi negosiu ne’ebé kontra kodiku penál artigu 299 kona-ba ninia envolvimentu partisipasaun ekonomia bainhira asume kna’ar nu’udar Prezidente KPF iha tinan 2017.
Tuir kodigu penal 299 hatete katak, funsionariu ne’e , tanba ho razaun envolve iha partisipasaun ekonómika liuhosi negósiu iha Alinea, 1) funsionáriu ne’ebé tanba razaun husi ezersísiu kargu públiku, bele intervein iha kontratu ka operasaun ka atividade seluk, no aproveita iha situasaun rasik ka liuhosi manu-ain, hodi hetan vantajen patrimoniál ba nia-an ka ba terseiru, ka husi kualkér forma seluk, partisipa iha ekonomia ilísita, no ho modu ne’e bele hasusar interese públiku sira ne’ebé nia hala’o, administra, fiskaliza ka realiza, sei kondena ho pena prizaun husi tinan 1 to’o 4. 2). Enkuantu husi hahalok anteriór halakon estadu superiór husi dolar amerikanu $10.000 ho pena prizaun maka husi tinan 2 to’o 8.
Tuir observasaun online INDEPENDENTE, katak durante hala’o detensaun, suspeitu hatudu kolaborasaun di’ak ho parte SIK hodi hala’o esplikasaun ba karta mandadu tribunál nian, nunee ekipa SIK tau alsema ba suspeitu nia liman hodi lori sai hosi nia servisu fatin iha MNEK, kontinua ba investigasaun klean durante oras 72 iha SIK-Komandu Jerál PNTL Dili.
Suspeitu ne’e hafoin remata mandatu nu’udar prezidente KFP iha tinan 2015, kontinua presta nia servisu iha MNEK nu’udar Diretór Ajente Coopercão Timor-Leste (ACTL) durante tinan 2017 to’o agora.
