Tuir dadus ne’ebé nia asesu hatudu katak maioria iha merkadu lokál sira husi pursentu 75 (75%) too pursentu 85 (85%) okupasaun husi feto sira ne'ebé halo atividade negósiu.

Maibé kondisaun merkadu la asesivél no laiha kondisaun ba feto sira atu halo sira nia atividade negósiu.

Alende ne'e, kestiona mós  kona-ba konstrusaun ba edifidiu públiku sira iha Ministeiru obras publikasaun dezena tuir padraun universal hodi garante assesibilidade ba ema ho defisiensia ona ka seidauk, sistema hanorin no prosesu julgamentu sira iha tribunal seidauk tuir padraun internasionál inkluzivu ba Ema ho Fefisiénsia sira atu bele asesu.

"Iha asuntu importante atu hato'o ba ita nia deputadu sira bainhira sira atu halo debate ba orsamentu ne'e rasik, ami nia submisaun ninia títulu maka presija investe hodi diversifika ekonomia sustentavel no inkluzivu orsametu 2021 tenke sensivel ba feto no  ema ho defisiensia sira,"dehan nia bá jornalista sira iha Fontil, Caikoli ohin.

Nia hatutan Orsamentu 2021 ba Ministeiru Edukasaun nian refleta ona nesesidade inkluzivu iha parte fasilidade ne'ebé asesivel no rekruta hanorin na’in sira ne'ebé iha koñesimentu ba lian jestual atu bele fasilita estudante ho defisiénsia ka lae.

"Ba hanorin nain sira, sira iha ona koñesimentu ba língua jestual atu transforma matenek ne'ebé sira iha ba estudante sira ne'ebé ho defisiensia ka lae, ida ne'e pergunta ida ne'ebé mak ami hakarak husu ba deputadu sira iha Parlamentu Nasionál,"katak nia.

“Serka de orsamentu ba iha sistema juridisiariu refleta ona ba prosesu julgamentu fasilidade hanesan lian jestual iha tribunal, tanba ami prukupa mós wainhira ema ho defisiensia sira kuandu hetan kaju ruma sira susar atu hato'o sira nia preokupasaun iha tribunal tanba seidauk iha ema ruma ne'ebé ajuda fasilita sira atu hato'o sira nia preokupasaun iha tribunal ba juiz sira entaun oinsa ho deputadu sira nia iha PN ba polítika ida ne'e”.