Tuir reprezentante povu iha Uma Fukun ne'e hateten OJE ba ema hotu no ema hotu iha direitu atu asesu ba diskusaun orsamentu jeral Estadu nian liu-liu ba ema sira ne'ebé la hatene rona nomos ko’alia.

"Agora ha’u kuandu haree ba RTTL ba iha diskusaun orsamentu jeral la providensia ona atu tradús en jestual ha'u hanoin ida ne'e lalos, kuandu ita komesa ona, ita labele inisia hodi halo ema kontente depois ita para fali no laiha kontinuasaun,"dehan nia iha diskusaun orsamentu jeneralidade, iha plenaria Parlamentu Nasionál ohin.

Deputada ne'e husu atu Ministru Asuntus Parlamentares no komunikasaun sosial halo klarifikasaun no hahú aban tersa (01/12) RTTL bele hahú fali ho tradusaun jestual ba ema ho defisiansia ba rona no ko’alia.

"Se bele ita bele komesa aban ba tradutór jestual iha RTTL atu ita nia maluk sira ho defisiensia ba rona no ko'alia bele iha asesu ba iha diskusaun orsamentu jeral estadu 2021,"katak nia.

Entretantu, Prezidente Parlamentu Nasionál, Aniceto Guterres, hateten jestaun ne’e di’ak no sei enkamina direita ba iha Ministru Asuntu Parlamentár no Komunikasaun Sosiál karik bele ajuda responde ba sujestaun ne’e.

“Obrigado Deputada ita nia sujestaun di’ak maibé ha’u enkamina direita ba MAPKOMS karik bele ajuda responde ba ita boot nia sujestaun ne’e, mas la’ós atu responde ohin kedas, maibé ita aviza hela de’it ba MAPKOMS,” nia dehan.