“Embaixadór Indonézia hateten, sei sirkula ba limite ba ema, maibé sirkulasaun ba sasán ho karreta ne’ebé tula sasán sira sei husik tama sai. Importante mak sira kontrola kondutór ho ajudante”, nia haktuir.
Tui nia, ne’e asaun di'ak atu Timor-Leste labele hetan difikuldade elementu prinsipál sira hanesan hahán labele falta.
Ho situasaun ne’e, komesa ona preokupa entrada no saida ema nian mak sei prejudika ema nian, nia konkorda tebes, maibé see laiha sirkulasaun materiál tama sai liuliu ba hahán nian mak sei prejudika ba populasaun sofre hamlaha.
Entretantu, Vise-Prezidente Bankada FRETILIN, Francisco Miranda Branco hateten, Organizasaun Saúde Mundiál (OMS) parese sira husu ona governu Indonézia atu konsidera situasaun emerjénsia, tanba Covid-19 sai preokupante.
“Ba ita di'ak liu taka de'it, ita la mate. Duke ita loke lori konsekuénsia ba saúde públika. Ita-nia kondisaun finanseira la permite atu ita responde kondisaun tékniku rekursu umanu. Ita sei presiza teste ba ria li'ur, entaun sei presiza osan barak atu halo analiza ba Covid-19,”dehan nia.
Nia hatutan, governu Indonézia atu konsidera situasaun ne’e emerjénsia, nia hanoin Timor-Leste bele taka, laiha impaktu ba tranzasaun ekonómika. Tanba durante ne’e tranzasaun ekonomia husi Indonézia, maibé parte Java nian.
Entretantu, Deputadu bankada CNRT, Adérito Hugo da Costa hateten, fronteira terrestre Timor-Leste ho provínsia Nusa Tenggara Timur (NTT) nian iha planu atu taka, maibé atu define definisaun ne’e seidauk.
