Nune’e, asaun ne’ebé AIFAESA sei halo maka kontrolu másimu ba loja sira, bainhira situasaun emerjénsia mosu hanesan COVID-19 ne'ebé sai issue globál.

Karik ho situasaun ne’e mosu loza sira uza ho oportunidade hodi hasa’e folin sasán maka sei tama kadeia tanba konsidera krime.

“Iha situasaun ne’e mosu mak ema balun subar hela sasán sira no sasán iha fatin seluk laiha maka fa’an fali ho presu aas, ne’e ami ho polisia hetan sei lori ba kadeia”, dehan Koordenadór Autoridade AIFAESA, Abílio Oliveira Sereno, iha Sentru Konvensaun Dili (CCD), ohin.

Nia husu, ba negosiante sira hanoin didi’ak hodi labele aproveita situasaun ne’e atu hariku-aan iha tempu badak. Tanba ne’e hatudu hahalok la di'ak.

AIFAESA mós hakarak servisu hamutuk ho negosiante sira atu dezenvolve nasaun, maibé halo negósiu tuir lei tuir legalidade.