Iha votasaun Finál ne'e, Partidu opozisaun PD no PUDD fó sira nia votu a favór, enkuantu Partidu opozisaun FRETILIN na’in 14 mak fó votu abstensaun no na'in 9 vota kontra.
Orsamentu Jerál Estadu 2018 pasa hafoin debate iha espesialidade durante loron neen (6) nia laran, ho kategoria urjénsia.
Tuir informasaun, OJE 2018, ne’e Komisaun C iha Parlamentu Nasionál sei finaliza redasaun lalais nune’e posibilidade iha lokraik ne’e bele submete kedas ba Prezidente Repúblika atu halo promulgasaun ou veto tuir Kompeténsia prerrogativa Xefe Estadu nian.
OJE 2018 ne’e ho karakter urjénsia, tanba nesesita tebes atu hodi funsiona mákina Estadu nian fulan Setembru-Dezembru 2018 no mós atu selu dívida no kompromisu sira hosi Governu anteriór sira- nian.
