DILI: Pasiente isin rua ho naran Rosa Cardoso husi suku Uma Boko Postu Administrativu Barique Munisípiu Manatuto tenke simu realidade partus iha odamatan tanba Postu Saude Barique tanba pesoál Saúde iha postu refere la tama servisu.
Tuir informasaun ne'ebé INDEPENDENTE online asesu katak, Rosa Cardoso, hela iha Suku Uma Boko ho kondisaun grávida oras to’o ona atu partus, tanba ne’e ba klinika hodu husu tulun ba pesoal saúde sira maibé klinika refere parteira la iha no odamatan taka hotu.
Tan ne'e, pasiente gravida refere obrigadu partus de'it iha varanda liur no sorte ba Rosa Cardoso tanba, komunidade sira ne'ebé hela besik postu saúde konsege lori hena ba ajuda pasiente ho ninia bebé.
Tuir informsaun ne’ebé sira rona katak parteira sira ba hotu misa, maibé bebé h onia inan Rosa Cardoso kondisaun di’ak hotu.
Husu ba Ministra Saúde (MS), Elia dos Reis Amaral tenki haree situasaun ida ne’e ho sériu no husu atu ba futuru hadi'a sistema atendimentu ida ne'e hoti labele fo impaktu ba ema ne’ebé moras no presisa tulun husi profesional saude sira.
Nune’e sira dehan, Problema nee la fó sala ba profesionál saúde ,maibé husu ba ukun na’in sira liu-liu ba Ministra Saúde , hodi bele aumenta tan profisionál saúde sira hodi bele fahe tempu servisu nian hodi nafatin halo atendementu públiku ne'e ho 24 oras di’ak.