“Atu dezenvolve kooperativa liu husi sira nia artezenatu ne'ebé iha, kuda ai-horis, Suku (Afaiate), tanba suku refere maioria iha keratividade oioin maibé la iha fatin atu akumula sira hodi fa'an sira nia sasan,”dehan nia iha Progrma Ko’alia Sai, iha Studio II INDEPENDENTE, kuarta, (11/10).

Aleinde, ne’e mós Kandidatura ne’e hatutan, bainhira eleitu, hakarak mós dizitaliza suku Santa Kruz liu husi kria website, atu nune'e bele pasa informasaun ba komunidade ho lais no átual.

Tanba, iha suku refere, komunidade barak ladun hatene kona ba informasaun ruma iha suku laran.

Tuir nia, ema barak mak asesu ka uza media social, nune’e, bele fasilita komunidade sira hodi hatene informasaun ne'ebé lais no átual.

“Hakarak dizitaliza suku iha parte internet, atu nune'e suku refere bele hatene informasaun lalais, no harii website ida ba suku atu nune'e komunidade sira bele hetan informasaun ho dadus ne'ebé lolos no atual,” dehan Kandidatura Merlinda da Silva Ximenes.

Kandidatura Xefe Suku ne’e afirma, objetivu husi kria website ne'e la’ós atu fahe informasaun konaba suku nia de'it maibé atu akumula mós dadus kona-ba ema hira mak iha suku laran hanesan dezempregu, kbiit laek no mal-nutrisaun.

Nia dehan, atu nune’e husi dadus sira ne'e bele tulun komunidade sira halo proposta ruma ba emprezariu no Organizasaun Non Governamental (ONG) sira.

Maibe la'os ne'e de'it, Merlinda hakarak harii mós biblioteka ida hodi hasa'e foinsa'e vontade kona-ba hakerek no lee, no iha parte desportu nia oinsa promove joven sira nia talentu liu-husi aktividade sira hanesan torneiu pinturas, musikas no kulturais.

“Durante ne'e ita hatene atu hasa'e juventude sira nia talentu mak atividade sira ne'ebé ho sira nia talentu rasik ho sira nia hakarak rasik, iha ne'ebé mos sei kolabora ho fatin profisionál sira atu fasilita joven sira atu tuir formasaun, nune'e joven sia bele kria rasik servisu ba sira nia tuir saida mak sira hetan iha formsaun,”haktuir nia.