Enkuantu, implementasaun projetu refere ho objetivu atu apoiu komunidade sira atu assesu diak liu ba saúde, edukasaun, merkadu, irigasaun, bee no saneamentu.
Ho nune’e, durasaun ba projetu refere sei implementa durante tinan haat (4), hahú husi 2023-2027.
Orsamentu ne'ebé atu finansia ba projetu refere ho montante hamutuk dolar amerikanu Millaun $5,1 ne'ebé ko-finansia husi Governu Japaun ho totál orsamentu Milaun $4.8 no PUND $300,000.
Ministro Administrasaun Estatal, Tomas do Rosário Cabral hatete, projetu refere aliña tebes ho programa IX Governu nian ba infrastrutura bazika hanesan saúde, eskola merkadu, irigasaun, bee no saneamentu kresimentu ekonomiku no kriasaun empregu ne'ebé deskreve iha programa governu.
“Ita fiar katak infrastrutura komunitaria krusial tebes, atu garante rejilensia no sustentabilidade ita nia komunidade. Ami agradese tebes ba apoiu PUND no Governu Japaun ne'ebé kontinua ápoiu infrastrutura bazeadu iha komunidade, ha’u espera komunidade bele direitamente involve iha projetu ne’e,” dehan Ministru iha iha Edifisiu MAE Kaikoli, Kinta (12/10).
Governante ne’e hatutan, ba administrador munispiu atu sira mós tenki kontribui hodi simu ema ne’e tanba osan no servisu tékniku ema mak halo populasaun hein simu nia rezulatdu de'it, tan nee presiza kontribui tanba sasan ne'ebé sira finansia sei benifisia populasaun iha Munisipiu tolu refere.
Iha Fatin hanesan, Embaixadór Japaun iha TL, Tetsuya KIMURA hatete, projetu ne'e aliña konseitu seguransa úmana ne'ebé Japaun fó importansia tebes. Konseitu ne'e foka ba protesaun no kapasitasaun individual, ertikularmente kumunidade neebe vulneravél liu iha segmentu komunidade.
“Ami espera rejilensia komunidade sei hametin liu-huis implementasaun projetu ne'ebé kobre segimentu hotu iha sosiedade inkliu saúde, edukasaun merkadu no irigasaun,” dehan Embaixadór.
Iha biban ne’e, Reprezentante PNUD Katyna Argueta, espera katak, liu-husi intervensaun hirak ne’e bele mellora diak liu tan povu nia kualidade moris iha área projetu.
