“Ha’u nomeia tiha ona, nia mandatu (sei) hotu iha tinan-2020. Desizaun ne’e ha’u haruka tiha ona ba governu iha fulan rua kotuk ba,” Prezidente Repúblika deklara ba jornalista, Sesta, iha Palacio Nobre Lahane, Dili.
Antes ne’e, Maijór-Jenerál Lere Anan Timur nia-mandatu prolonga ona ba tinan rua. Ho prolongasaun ne’e sei termina iha tinan-2020. Mandatu Xefe Estadu Maior Jenerál rasik remata iha fulan outobru 2018.
Membru Konsellu Superior Defeza no Seguransa iha nia reuniaun ikus iha fulan outobru 2018 hotu-hotu fó fiar ba Prezidente Repúblika atu nomeia Xefe Estadu Maior Jenerál tuir kompeténsia Xefe Estadu ninian.
Lere hahú nia mandate nuudar Xefe Estadu Maiór-Jenerál FALINTIL-Forsa Defeza Timor-Leste (F-FDTL) iha loron 6 fulan-Outubro 2011.
