Hafoin votasaun, Presidente partido FRETILIN ne’e hatete, fiar an sei manan iha primeira ronde no sei la ba segunda ronde.  

Nia fiar eleisaun presidensiál sei la tama iha segunda ronde tanba durante iha nia kampanye hatudu momos husi militantes no apoiantes no povu konfia nia sai presidente.

“Konserteza que ha’u sei manan iha primeira ronde e sei la ba segunda ronde,”dehan nia ba jornalista sira.

Maski nune’e, nu’udar lider exemplar iha nasaun ida ne’e, nia prontu simu rejultadu saida de’it husi eleisaun presidensiál ne’e, tanba direitu povu nia mak deside. Nia dehan, normalmente iha prosesu demokrasia ida manan no ida lakon.

Tanba ne’e, povu mak sei deside nia votu no fiar katak sei sai presidente ba povu tomak. Aliende ne’e, nia mós garante sei iha estabilidade too prosesu eleisaun ne’e remata.