Tuir PortaVóz Amelia Rodrigues Ximenes hatete, hanesan manorin kontratadu sira husu ho haraik a’an ba Prezidente Republika no mós Primeiru Ministru atu bele ajuda solusiona problema ne’e.
“Ami sei la halo prosesu aprendizajen no la fó apoiu ba realizasaun ba ezame nasional no ezame lokal hanesan, ezaminadora ba estudante sira iha loron 16-21 outubru tinan ne’e,” dehan nia iha Jardim 05 de Maio, Kolmera, (19/09/23).
Iha fatin hanesan, Manorin Kontratadu Agustinho Pinto mós hatutan, hanesan manorin kontratadu ejize nafatin ba Ministeriu Edukasaun atu klarifika ba estatutu manorin kontratadu sira nian, tanba sira hahú hanorin iha tinan 2007 to’o agora.
Iha biban ne’e mós, manorin kontratadu sira husu ba Ministeriu Edukasaun atu aselera lalais pagamentu durante fulan sia nian.
