Portavoz Sentru Integradu Jestaun Krize (SIJK), Dr. Sergio Lobo hatete, kazu konfirmadu Profesora Portuguêza na’in rua iha Likisa, Ekipa Vizilansia Sentinela rekolla ona amostra ema na’in 27. Husi ema hirak ne’e, na’in 17 maka hatudu ona rejultadu negativu, no ema na’in 10 sei hein rejultadu konfirmasaun.
“Ema na’in 17 maka nia rezultatu konfirmadu negativu no na’in 10 maka sei hein konfirmasaun husi Darwin orsida lokraik ka aban dader maka to’o,”dehan nia iha konferensia imprensa, iha CCD, ohin.
Nia informa, SIJK sei foti medidas ba Munisipiu Likisá bainhira entre ema na’in 10 ne’e balun hatudu konfirmadu positivu.
