Extensaun ba periodu daruak nian ne’e, hahú husi loron 28 fulan-Abril, iha tuku 00:00 too loron 27 fulan-Maiu 2020, iha tuku 23:59 horas Timor-Leste.

Tuir Prezidente Parlamentu Nasionál, Arão Noe de Jesus Amaral hatete, renovasaun Estadu Emerjénsia, ohin haruka kedas ba Prezidente Repúblika atu halo promolgasaun.

Prezidente Bankada FFRETILIN, Aniceto Guterres hatete, ho Estadu Emenjénsia de’it mak bele implementa medidas prevensaun no mitigasaun ba surtu Covid-19, hanesan distasiamentu sosial no fíziku, limete liberdade sirkulasaun no reuniaun sira, limite direitu ba kultu ka halibur malu, medida konfinamentu obrigatóriu, no medidas seluk ne’ebé presiza.

“Ita hotu akompaña katak implementasaun Estadu Emerjénsia periudu dahuluk lori mos konsekuensia ba Timor-oan sira ne’ebé ho kondisaun ekonomia no sosial vulneravel,”dehan nia, iha Parlamentu Nasionál, segunda, (27/04).

Entretantu, tuir dadus Sentru Integradu Jestaun Krize (SIJK) ba COVID-19, hahú husi fulan-Marsu too fulan Abril hatudu rejultadu suspeitu kontinua ba 480.

Ema ne’ebé sei iha kuerentena obrigatóriu hamutuk 448, kompostu husi Dili hamutuk 337 no iha munisipiu 68. Halo auto kuerentena iha Dili hamutuk 18 no iha munisipiu 35.

Ema halo teste laboratóriu hamutuk 480, kazu konfirmadu mantein 24, rekuperadu na’in neen (6) kompostu husi kazu provavel na’in haat (4) no kazu positivu na’in rua. Ema ne’ebé hein rezultadu na’in 89, negativu hamutuk 376, total ema ne’ebé liu ona loron 14 iha kuerentena hamutuk 1694 kompostu husi Dili hamutuk 350 no munisipiu 344.