Konsileiru Masimu Partidu KHUNTO, Jose Naimori Bukar hatete, KHUNTO ho nia membru lakohi ba hamutuk ho FRETILIN no CNRT, tanba lakohi soran maun boot sira hanesan, Taur Matan, Ruak, Lu’olo, Alkatiri, Xanana no Ramos Horta.
Nune’e lori partidu KHUNTO tomak agradese ba partidu FRETILIN ne’ebé apoiu VIII Governu, la signifika sai husi koligasaun ba FRETILIN, maibe mantein iha VIII Governu ne'e too mandatu remata iha tinan 2023.
“Ha’u hanesan sira nia oan atu asegura sira, tanba sira nia mehi ohin loron partidu KHUNTO bele mosu iha rai ne’e hodi luta ba povu ida ne’e,”dehan Naimori, iha nia rezidensia Manleuan, ohin,(30/04)
Naimori fó parabens ba FRETILIN ne’ebé deklara ona apoiu VIII Governu ne’ebé lidera husi Taur Matan Ruak to’o tinan 2023.
“Ha’u haruka ona estrutura nasional atu deklara klarifika lolos katak impase politika ne’ebé durante ne’e lao oinsa bele bele resolve problema, tanba laos problema maun boot sira nian maibé problema ita hotu nian hanesan estadu nune’e presiza buka solusaun hodi nasaun bele, hakmatek no livre buka sira nia moris hodi asegura sira nia moris,”tenik.
