Konsellu Ministru halo soru-mutu no aprova ona projetu dekretu-lei, ne’ebé aprezenta husi Primeiru-Ministru, Taur Matan Ruak, ne’ebé halo alterasaun dahuluk ba Dekretu-Lei númeru 37/2022, kona-ba subsídiu fin-du-anu ba uma kain, hodi klarifika ámbitu husi ninia aplikasaun.

Ho alterasaun ne’e, benefísia sira husi apoiu ne’e maka agregadu família sira ne’ebé rejistu ona too loron 28 Fevereiru 2022, iha livru Rejistu “Uma Kain”, ne’ebé daudaun ne’e iha territóriu nasionál no iha ne’ebé laiha elementu ne’ebé simu fulan-fulan ho forma regulár, rendimentu sira ne’ebé mai husi serbisu iha instituisaun públika ka entidade privada, rendimentu emprezariál, rendimentu prediál ka rendimentu sira ne’ebé hetan husi prestasaun sosiál liu husi rejime kontributivu, la kontributivu, ka espesiál, ne’ebé ninia valór aas liu duké US$ 500.

“Konsellu Ministru ohin deside hodi halo aprovasaun ba iha projetu dekretu lei ne’ebé aprezenta husi Primeiru Ministru kona-ba alterasaun dekretu lei númeru 37/2022 fulan 25 Maiu kona-ba Subsidiu fim du anu ba uma kain. Ida ne’e hafoin hetan fidback husi parte Prezidensia Repúblika maka husi Governu liu husi konsellu ministru deside atu halo tuir alterasaun sira ne’ebé sujere husi Prezidensia Repúblika, entaun ho ida ne’e ninia aplikasaun ne’e sei fila-fali ba iha pratika anterior iha 2020, ne’ebé mak sei fó ba uma kain hirak ne’ebé mak ho rendimentu U$ 500 dollar mai kraik,” dehan Ministru Prezidensia Konsellu Ministru (MPKM), Fidelis Magalhães, iha Palasiu Governu, horisehik.

Nia dehan, maibé sei iha alterasaun balu katak sei rekere ka sei ezije atu uma kain sira priense formulari deklarasaun katak loos duni sira ninia rendimentu la iha uma laran ema ida iha rendimentu aas liu U$ 500 dollar. Entaun ho ida ne’e iha parte Ministériu Solidariedade Sosial nian Ministériu implementador sei hahu prosesu iha tempu badak hafoin dekretu lei refere hetan promulgasaun prezidente repúblika.

Hafoin promulgasaun buat hotu sei lao, maibé parte MSSI nia preparasaun sira lao hela atu bele halo inisiativa ne’e antes tinan ne’e remata, familia sira ne’ebé rendimentu kiik sei hetan subsidiu ida ne’e.

Hodi bele simu pagamentu ne’e, reprezentante “Uma Kain” ne’ebé benefisiáriu tenke subskreve deklarasaun ida hodi konfirma katak la iha membru ida husi Uma Kain ne’e ne’ebé regulár simu fulan-fulan, rendimentu aas liu duké dolar amerikanu 500. Reprezentante husi Uma Kain ne’ebé subskreve deklarasaun ne’e, hatene katak saida maka deklara ne’e laloos, iha obrigasaun atu fó fila-fali valór ne’ebé simu ba Estadu, no bele hetan responsabilidade kriminál, tuir lei haruka.                                       

Molok ne’e Subsidiu fim du anu kada uma kain 200 dollar haruka ona ba Prezidente Repúblika hodi hetan desizaun, nune'e Konsellu Ministru halo deside hodi aprova alterasaun dahuluk ba dekretu lei ne'e esesaun ba membru órgaun soberanu no eistitulares.

Nune'e Konsellu Ministrus halao sorumutuk hodi aprova projetu Dekretu-Lei ne’ebé aprezenta husi Primeiru-Ministru, Taur Matan Ruak, ne’ebé prosede ba alterasaun dahuluk ba Dekretu-Lei númeru 37/2022, loron 25 fulan Maiu, kona-ba subsídiu fim du ano ba uma-kain sira, hodi klarifika ámbitu husi sira nia aplikasaun.

"Konsellu Ministru finalmente aprova dekretu lei alterasaun dahuluk ba dekretu lei númeru 37 kona-ba subsidiu fin du anu ba uma main orsida sei haruka kedas ba Prezidente Repúblika, hanesan horbainhira ita boot sira husu, horbainhira iha alterasoens aprova tiha maibé sei iha redasaun. Semana kotuk ita boot sira lembra ami dehan ita boot sira katak seidauk haruka ba Prezidente Repúblika tanba sei iha alterasoens," dehan Ministru Prezidensiá Konsellu Ministru (MPKM) Fifelis Manuel Leite Magalhaes, hafoin reuniaun KM iha Palásiu Governu, Kuarta (12/10).

Nia afirma, hanesan iha semana kotuk jornalista sira husu halo diskusaun klean governu hatan pur altu jetan ne'ebé seidauk iha to'o finalizasaun ninia parte redasaun nian, maibé ohin foin aprova iha parte desaun nian nune'e bele haruka ba Prezidente Repúblika.

"Ne'ebé parte redasaun nian ohin ita aprova orsida kedas ita haruka ba Prezidente, ne'ebé ninia natureza mak ne'e univesal ba iha ninia implementasaun agora iha sesaun mak ba membru órgaun soberanu sira no eistitulares sira ida ne'e mak iha esesaun," dehan nia.

Ida ne'e mak konsellu Ministru halo aprova ne'e mak sei haruka ba iha PR, tanba ne'e mak iha semana kotuk hodi ko'alia bu'at barak, nune'e ohin konsellu Ministru haree ninia ambitu sira no ninia redasaun sira ne'ebé loloos hatuur duni intensaun sira.