Projeitu resolusaun ne'e aprezenta husi Ministra Negósius Estranjeirus no Koopersaun, Adaljiza Albertina Xavier Reis Magno.
"Akordu ida-ne’e sei permite atu hametin kooperasaun entre país rua-ne’e iha área defeza no seguransa nian, liuliu iha área marítima, hodi fó-hanoin kona-ba ita-nia fronteira no zona marítima ne’ebé besik-malu", dehan Ministru Prezidensial Konsellu Ministru, Fidelis Leite Magalhães, iha Palasiu Governu, Kuarta ( 09/11).
Governante ne’e hatutan, akordu ne'e, sei permite mós atu reforsa operasaun konjunta, ezersísiu no formasaun sira, nune’e mós asaun asisténsia umanitária nian no apoiu ba katástrofe sira.
Entretantu, tuir akordu ida-ne’e, militár Timoroan iha operasaun no asaun sira husi formasaun iha Austrália sei bele hetan protesaun, responsabilidade no priviléjiu ne’ebé hanesan ho militár australianu sira nian ne’ebé hetan iha Timor-Leste.
