Governu Aprova Dekretu Lei Estabelese Gabinte Fronteira Terestre no Marítima Featured

By Ekipa INDEPENDENTE Dezembru 07, 2023 1285
Reuniaun Konsellu Ministru (KM), kuarta horseik, loron 06 Dezembru 2023, ne’ebé preside husi Primeiru-Ministrus, Kay Rala Xanana Gusmão, iha Palasiu Governu. Foto:Media MAE. Reuniaun Konsellu Ministru (KM), kuarta horseik, loron 06 Dezembru 2023, ne’ebé preside husi Primeiru-Ministrus, Kay Rala Xanana Gusmão, iha Palasiu Governu. Foto:Media MAE.

DILI: Governu liu husi reuniaun Konsellu Ministru (KM), kuarta horseik, loron 06 Dezembru 2023, aprova Projetu Dekretu-Lei ida, hodi estabelese Gabinete Fronteira Terrestre no Marítima.

Enkuantu, Projetu Dekretu-Lei ne’e aprezenta husi Primeiru-Ministrus, Kay Rala Xanana Gusmão ho objetivu atu define estrutura no kompeténsia Konsellu bá Delimitasaun Definitiva Fronteiras Marítimas, ne’ebé konsentra ba esforsu no rekursu ba prosesu negosiál iha Gabinete Fronteiras Terrestre no Marítimas, iha Primeiru-Ministru ninia okos.

“Ida ne’e atu bele define kondisaun no objetivu nessesáriu sira ne’ebé fó dalan atu konklui tratadu ne’ebé estabelese fronteira terrestres no marítimas ho Repúblika Indonézia,” Online INDEPENDENTE sita iha komunikadu.

Diploma ida-ne’e mós atu apoia Primeiru-Ministru iha negosiasaun bá delimitasaun definitiva fronteiras ho Indonézia.

Entretantu, GFTM mós sei responsável hodi tulun Primeiru-Ministru hodi halo konseitu, dezenvolve no implementa polítika “Ekonomia Azul” Timor-Leste nian.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31