Tuir polítika SM nian, ema sira ne’e sei hetan sansaun abandonadu voluntáriu no mós sei deporta fila ba ida-idak nia rain.
Komandu Operasaun SM, Inspetór Asistente Vicente Gusmão dehan, ema sira ne’e uza vistu turista hodi halo atividade negósiu.
Nia dehan, sidadaun estranjeiru ne'ebé komete viola vistu aas maka Xina (44), Indonézia (19), Filipina (4), Pakistaun (2), Índia (2), Vietname (2) no Kambodia (1).
Oras ne’e daudaun SM fó pena ba sidadaun estranjeiru na’in 7 ne'ebé ho desizaun abandona voluntária, tanba ne’e desizaun migrasaun deporta fila, no sei la sama rai Timor durante tinan rua nia laran.
Ema sira ne’e mak sidadaun na’in (7) husi Xina, Indonézia (1), Kambodia (1), Vietname (1). Sidadaun sira ne’e maioria barak moris ho vida ambulante.
Oras ne’e daudaun SM halo ona infrasaun ba sidadaun 74 ne'ebé viola vistu iha Timor-Leste. Tanba ne’e, halo prosesu administrativu ba sidadaun sira ne’e.
Tuir Lei SM artigu 118, bainhira sidadaun estranjeiru ne'ebé hala’o atividade profisionál sem autorizasaun, tanba ne’e sei selu multa ba estadu $250 to’o $1000 ba ema ida.
Nia dehan, iha operasaun ne’e setór operasaun iha fulan-Janeiru ne'ebé iha mane 52 feto 22 no iha fulan-Fevereiru mane 10 no feto na'in rua.
Alende ne’e, nia dehan, ba kompañia ne'ebé rekruta traballadór estranjeiru bainhira viola vistu kompañia rasik selu multa kada ema ida $500 to’o $2000 multa ba migrasaun.
