“Primeiru Minsitru no vise Primeiru Ministru na’in rua mak politika ida ita dehan ho intensaun fahe poder entre partidu sira iha koligasaun hodi labele naksobu maibé, laiha prinsipiu politika ba boa-governasaun no sei lahatudu produtivu ho membru governu ida ne’e,”dehan Diretór Daniel ba INDEPENDENTE Online ne’e, Kaikoli, ohin (01/06). 

Diretór ne’e kompara ho nasaun seluk ema nia sistema forte ona,la presiza membru governu barak, kontrariu iha Timor-Leste service deliver ne’e la lao signifika membru governu bokur maibé tinan barak membru governu balun la produs rezultadu.

“Agora kuaze membru governu 42 bele bolu governu pezadu todan demais hatudu katak hatur politika ida ho intensaun hodi distribui poder ne’e hanesan husi partidu koligasaun bele, asegura, sei sira la halo politika hodi hatama membru governu tama hodi asegura durante mandatu ne’e ladun di’ak tanba forma governu labele ho intensaun fahe kadeira,”tenik nia.

Nia dehan, ko’alia rasional no lojika ne’e populasaun tokon ida resin de’it ho funsionariu públiku besik rihun 32 ho profisional ne’e signfika membru governu labele boot bebeik.

Tuir nia katak, ho númeru funsionariu ne’e bele sufisiente ona hodi hala’o servisu, membru governu sira labele barak importa mak ministru sira xave hanesan, Edukasaun, Saude, Ministeriu Obras Publika, Ministru Agrikultura,(MAP).

Membru Governu foun ne’e mak hanesan, Armanda Berta dos Santos ba kargu Vise Primeiru Ministra, ho nia funsaun akumula hotu servisu nuudar ministra da Solidariedade Social e Inclusão (MSSI) no Fidelis Magalhães assume kargu Ministro Presidénsia Konsellu Ministrus.

Francisco Jerónimo assume kargu Ministru ba assuntos Parlamentares no Komunikasaun Sosial, Fernando Hanjam ba Ministru Finansas, Miguel Pereira de Carvalho ba Ministru ba Administrasaun Estatal no Odete Belo ba Ministra Ministra Saúde.

Xefe Estadu mós fó posse ba Júlio Sarmento da Costa ‘Meta Malik’ ba Ministro Assuntos Kombatentes Libertasaun Nasionál, Pedro Reis ba Ministro Agricultura no Pescas.

Posse ba membru Governu foun nuudar faze primeiru, ne’ebé hetan apoiu forsa politika maioria parlamentár husi Frente Revolucionária do Timor-Leste Independente (FRETILIN), Partido Libertação Popular (PLP), Kmanek Haburas Unidade Nacional Timor Oan (KHUNTO) no Partido Demokrátiku (PD), ho deputadus hamutuk 41 husi 65 deputados iha Parlamentu Nasionál.