Daniel hatoo nia ideia ne’e ba INDEPENDENTE relasiona ho desizaun Parlamentu Nasionál hodi preve orsamentu tokon $3 iha proposta Orsamentu Jeral Estadu (OJE) 2021 ba konstrusaun edifisiu foun PN, bainhira partisipa iha seminariu ne’ebé organiza iha Rede Feto, Kaikoli, Tersa (29/09).
Daniel dehan, Fongtil konsidera edifisiu foun ba PN ne’e nu’udar parte ida oinsa atu prepara kondisaun atu deputadu sira bele halo sira-nia serbisu ho di’ak, komisaun no bankada sira iha espasu no iha sekretáriadu atu bele mantein komunikasaun ho públiku no sidadaun sira.
